Nithlar zawnga din apianga ţhiante’n i in X-ray a mi an tih fo mai tlangval rua ţhauh mai kei ka tan hian aw, tuilum ip, i va hlu tehlul em!! Nipui vanglai pawha rizai telloa mu thei ţhak lo, thlasik ah lek phei; ke hit theih lutuk vanga thiante mutpui duhloh tan chuan a hlu vet vet teh a nia.A ni teh taka, mahnia mut lum zawh bawk si loha, kuah lum tur hmuh zawh bawk si loh chuan tuilum ip hi chhandamtu ţha tak a ni miau a ni. Tuilum ip hi kum lama upa zawk leh damlo te tan chauh hian zuk ţangkai hauh lo a, kei anga ngaina fe fe in awm ve reng ang tih hi ka ring tlat! Khawnge kan in puang ta sa sa, tih tak êmah chuan phai khawlum hnuaiah pawh puan hlap tal ka dap fo ţhin reng a ni. Tuilum ip anga hnial hratlo leh min ti lum zo tur hi a thlaktu hmu tak i maw..?
Tun taka ka chenna hi lum viau mahse kan ţhenawmte banga tuilum ip sen dâng in khai bal mai hian ka lung a ti leng hle mai. Ka ngaihtuahna a hruai kual a hruai kual rauh a; ka lung em tichhe mahsuhse, tuilum ip hmuh tur van tak zia leh engvang nge ni ang tih te min ngaihtuah tir tlat mai! Hmân ti rual zawng kan la ni hauh lo na a, kan hriat ve phak chin mai pawha tuilum ip HIT theih zia te kha aw. Kan khawvel a changkang zelin; hma kan lo sawn duai duai mai zawng a lo ni zel mai. Mahni duh zat ang chiaha inchhung lum lam leh vawh lam vawn theihna khawl( air conditioner) te kan lo nei thei ta zel a, a ţangkai na lamah chuan a va ţha tehlul em.
Kan lirthei ah te lah chuan chung khawlte chu a vuah theih zel lehnghal a, pawn lam boruak kha lo lum viau pawh nise, thlan sa miahlo in; hmai mawm miah bawk lo in kan tawlh ta zel zel mai! Tunlaia tuilum ip lo la lunglen pui ve tumhrang pawh hi a mak ti duh tan chuan a mak viau ta ve ang le. Mahse tuilum ip thlakna tur hi ka la van riau mai ka ti! Ka neih zawh loh vang te pawh a ni bawk na a, phun châng nei lo a, a ţhianga han zâlpui tur lam tlakchham vang te pawh a ni ta ve ang. Engpawh nise, chu tuilum ip ral mek chuan kan khawvel lum tak zia hi min ngaihtuah tir tlat mai.
“Global warming”, ti a tlak duah ka tum lo, a hriat pawh ka hre zau hran lo, mahse a kum telin kan tawng chho zel a, khaw lum thu kan in hrilh sek mai zawng a nih hi. Mahni humhalh theih tawkte lo humhalh ve a, ngaw leh thing te pawh ngaihhlut kan zir zel erawh a ţul a ni. Kumtin maia, LO tur atana vah chin bak kâng fo mai te hian a nghawng pawizia leh ro kan chan hnem zia hi Kâ pawh hian i in hrilh tam thei i la a va ţha em. Tuilum ip hi a ţhing tawh viau a ni thei e, mahse tuilum ip lam reng theihnghilh ţhak khawpa kan khua a lum chuan kan ram humhalh turin kan changkang tawk lo tih a lang tel ve thei tlat lo’ng maw?? Tlangthar chuana, LO neih dan thlakthlengna nei thei rih lo mahila, a ţullo thlenga tih kan erawh tih reh dan ngaihtuah te hi a hun tawhin a lang.
Duhthusam ramah zawng kan cheng thei hauh lo, kan duhthusam pawh a in ang seng hek lo ang, mahse a tawk a fang, a awm a mawi chinah; kan chenna a lo ram mai lohnan tih tur zawng kan nei a ni. Beng sika ngaihtuah peih tan phei chuan sawi tur a va tam dawn tehlul em! Keizawng, tuilum ip avanga lungleng, rawn thai rang mai ka ni. Hei te mai hian kan ngaihtuahna vawikhat tal min sen tir a nih ngai chuan; a thlaktu ka hmuh hma zawng, ka tuilim ip hi duhten ka lo pawm theih phah dawn zu nia.
Friday, April 9, 2010
Friday, April 2, 2010
Thinlung Damnan
Hrilh hai taka chhuak chungin....a mittui a hru fap fap a. Nunkhawnawmna ber tliak ta hnawp mai chuan a thinlung a fan zo a ni. In tih PA har a ti hle mai,....a mittui a dang zo thlawtlo a ni. A zirna run belhlai, parvul liai luaia a hmuh thin ngei pawh chu a chuai zo ta. A thu dawnna chu a thianpa mah nise a haw rum rum hiala, a bengin a a thu dawn chu dawt a nih mial te a beisei zuau zuau a,...a hun tawn mek chu mumang mai ni a, thangharh leh mai tur te'n a inring rum rum a. Mahse a ngaihtuah chian poh leh a thil tawn tak zia chu a chiang tawlh tawlh mai si.
A beiseina leh suangtuahna duhthusamte chuan mitkhap kar lovah mual a liam ta! Mi tam takin an tawrh thin, tawh mek leh tawh tur tho a tawng a ni tih chu a hai lo, mahse mahni chunga a tlak meuh chuan a fan nat zia chu a chiang ngei mai. Mi te a lo hnem ve thin te chu a ngaihtuahin a zak rum rum a,....tunah lah amah hnemtu awmchhunte ngei pawh.....a tawrh natzia an hriatthiam pui loh vang a ni tiin a ngaihtuah mek bawk si! Eng duhsakna tawngkam mah a bengah a lut thei lo a.....eng chaw tui mah a ka ah a tui bawk hek lo. A hmangaih, a rinna zawng zawng a nghahna, zah pawh dawn lova...a hmangaihi a duh em avanga a nu hnenah hial nupuia neih a duh zia a lo thlen tawh, kum te zawng mual a liam zung zung mai e ti a, kum sarih pawh rei ti phalloa, tan pa ar eka hmakhua a sual chhan chuan a tuang chhah lam a chhawn ta si!
A ngaihtuahna kal thui lo se a duha, mahse a dang zo si lo....mutmu tuah har a tiin leng hnawt ar khuan nawn meuh lai pawhin a la hui dawn chauh a ni si. Thinlung kehsawm natzia hi mahnin tawrh loh chuan hriatthiam ngai a ni love te a ti neuh neuh a. A suangtuahna rama chhungpui dina, duhber nena dam chhung tawite thawnthu tih tawp a lo duh thin...duhthusam.....bo thei ngailo a a rin thin chu.....a tawp ta.
Khuareiin a hnem beisei lo mahse,......khuanu ruat, hun leh kum in her chuan a tan hlimni a la her chhuahpui ve mial takin tiin.....mittui in a bual chiai.... a chhingmit chuan hma lam chu a thlir ruau ruau a. Hmangaihtu rinawm reng a ni e tiin ro tin reltu khuanu hnenah a tlu lut ngawt ta. Thinlung hliamtu nih loh ngawt hi thinlung hliam tawn lohna a ni lo.....mahse Thinlung Damnan, tu hrai leng mah ka vel ve lo'ng tiin a thinlung kehsawm tawh hnu chuan chhia a chham fan a.
A beiseina leh suangtuahna duhthusamte chuan mitkhap kar lovah mual a liam ta! Mi tam takin an tawrh thin, tawh mek leh tawh tur tho a tawng a ni tih chu a hai lo, mahse mahni chunga a tlak meuh chuan a fan nat zia chu a chiang ngei mai. Mi te a lo hnem ve thin te chu a ngaihtuahin a zak rum rum a,....tunah lah amah hnemtu awmchhunte ngei pawh.....a tawrh natzia an hriatthiam pui loh vang a ni tiin a ngaihtuah mek bawk si! Eng duhsakna tawngkam mah a bengah a lut thei lo a.....eng chaw tui mah a ka ah a tui bawk hek lo. A hmangaih, a rinna zawng zawng a nghahna, zah pawh dawn lova...a hmangaihi a duh em avanga a nu hnenah hial nupuia neih a duh zia a lo thlen tawh, kum te zawng mual a liam zung zung mai e ti a, kum sarih pawh rei ti phalloa, tan pa ar eka hmakhua a sual chhan chuan a tuang chhah lam a chhawn ta si!
A ngaihtuahna kal thui lo se a duha, mahse a dang zo si lo....mutmu tuah har a tiin leng hnawt ar khuan nawn meuh lai pawhin a la hui dawn chauh a ni si. Thinlung kehsawm natzia hi mahnin tawrh loh chuan hriatthiam ngai a ni love te a ti neuh neuh a. A suangtuahna rama chhungpui dina, duhber nena dam chhung tawite thawnthu tih tawp a lo duh thin...duhthusam.....bo thei ngailo a a rin thin chu.....a tawp ta.
Khuareiin a hnem beisei lo mahse,......khuanu ruat, hun leh kum in her chuan a tan hlimni a la her chhuahpui ve mial takin tiin.....mittui in a bual chiai.... a chhingmit chuan hma lam chu a thlir ruau ruau a. Hmangaihtu rinawm reng a ni e tiin ro tin reltu khuanu hnenah a tlu lut ngawt ta. Thinlung hliamtu nih loh ngawt hi thinlung hliam tawn lohna a ni lo.....mahse Thinlung Damnan, tu hrai leng mah ka vel ve lo'ng tiin a thinlung kehsawm tawh hnu chuan chhia a chham fan a.
Saturday, March 6, 2010
DUAPZULA
Tlangvala pumpa, dawizep tak mai hi chu a inhmeh thei chiahlo a nih hmel a. A bikin Mizote, kan chanchin hlui leh thawnthu te pawhin Mi Huaisen a chawisang nasa in, huaisen kan ngaihsanzia a lang chiang thawkhat hle. 'A bikin', kan ti teh hluai tak na a, Mizote chauh kan ni ka tihna phei chu a ni hauh lo a. Sawi tam leh chuan ngai lem lo leh entirna hran pek pawh ngai lemloin khawvelin huaisente a ngaihsanzia chu kan chiang hlein ka hria.
Chutih lai mek chuan, tunlai khawvel kan hman meka huaisen dan tur leh ngaihsanawma awm dan turte ka ngaihtuah neuh neuh a. Kan Zoram zimte-a kan beng verh zing em em tu te zinga thu pakhat," Tunlai thangtharte thatchhiat takzia leh tlaktlai loh zia", tih thu te hian min delh ve im em a.Keimah tak pawh ka nun min en let tir nasa hle mai thin. Anihna takah chuan DUAPZULA hi ka ni deuh ber mai awm mange aw...te ka tih phah hial a ni.
Kum upa zawk, kan run tlawmte a lo chuangkai ve thinte, a then phei chu mual min liam san ta te, khabe liam changa ka lo thut ve mai mai thin azara ka hriat ve 'HMANLAI NUN', beithamtak atangte chuan ka in chhut kir neuh neuh fo mai. A taka hre pha mah ni suh ila, chung titi khawchanga ka ngaihthlakte chuan suabgtuahna ramah min hruai fo thin. Hmanlai mite taimak ziate, rintlak ziate, tawrhchhel ziate leh rothap ziate pawh a zia a rang chu ka thawi ve pha vuai vuai in ka hria.
Nimahse, tute tih dan takah emaw, hnar hnuaiah phatna bo hek suh le,....Hmanlai mite ka tluklohna lam aiin, kan HUN tawn leh KHAWVEL in an lohzia hian ka inhnem tam zawk mah a. Chung Pathian malsawmna avanga lo changkang ta, kawla ni chhuak chhiara hnuhpui kawih ngai ta lo, tui um nena zing tuktina in khirh chhuah bang ta, buhdengkhawl ri tak ngial pawhina mual a liam san leh tawh zawk avanga sum hmuna buh den hrethiam thaklo mai ka ni tih hi ka in theihnghilh fo thin!!!
Tlangval-ah pawh, a sa tha hran lo, ding ria ve thai mai keini ang tana khua leh tui chhana mi hrang sa hrang beih huphurhawm tur zia te, khualpang zin mai mai pawh INBUAN hreh avanga thulh fo duh rum rum awma mawia derdep kei tehlul hi DUAPZULA bak enge maw ka nih chuan le??!!! Hmanlaia pianglo te zingah chuan ka ti fuh ber hial maithai a ni!! te ka ti rum rum a.
Mahse TUNLAI khawvel-ah pawh bihchian ka dawl chuang em tih chu ngaihtuah tham tak a ni. Nu leh Pate chawmhlawm, thawhchhuah neilo ei thla duak, kum lamah erawh...tihfuh zana nupui ru ve mai rual ni tawh si hi!!!....a zia a awm chuanglo hle mai. Bazar-a gas bur put zah avanga MUTIA zawng zawng thin, mahni hna thawh ber zirlai thiam chuanglo, nileng mai a awm mai mai paha sam zuah bak thawk lem lo, inkhel chhuah hun hre thei zet satliah ka nih rih miau si chuan,...HMAN a ni emaw,...TUN a ni emaw, DUAPZULA, hnam thanmawhbawk ka nih tho tho hi a.
Vai chhang zuar ngam viau satliah hian ka lo HUAISEN reng reng lo a," HMAN leh TUN a in ang lo", tiin ka inhnem ta sa sa bawk a, TUN mila huaisen dan te pawh ka zir zel a lo ngai dawn reng mai!! DUAP leh chguang tur awmlo khawpa DUAPZULA hian, khawi nge tan kan khawh tha dawn teh ang.
Chutih lai mek chuan, tunlai khawvel kan hman meka huaisen dan tur leh ngaihsanawma awm dan turte ka ngaihtuah neuh neuh a. Kan Zoram zimte-a kan beng verh zing em em tu te zinga thu pakhat," Tunlai thangtharte thatchhiat takzia leh tlaktlai loh zia", tih thu te hian min delh ve im em a.Keimah tak pawh ka nun min en let tir nasa hle mai thin. Anihna takah chuan DUAPZULA hi ka ni deuh ber mai awm mange aw...te ka tih phah hial a ni.
Kum upa zawk, kan run tlawmte a lo chuangkai ve thinte, a then phei chu mual min liam san ta te, khabe liam changa ka lo thut ve mai mai thin azara ka hriat ve 'HMANLAI NUN', beithamtak atangte chuan ka in chhut kir neuh neuh fo mai. A taka hre pha mah ni suh ila, chung titi khawchanga ka ngaihthlakte chuan suabgtuahna ramah min hruai fo thin. Hmanlai mite taimak ziate, rintlak ziate, tawrhchhel ziate leh rothap ziate pawh a zia a rang chu ka thawi ve pha vuai vuai in ka hria.
Nimahse, tute tih dan takah emaw, hnar hnuaiah phatna bo hek suh le,....Hmanlai mite ka tluklohna lam aiin, kan HUN tawn leh KHAWVEL in an lohzia hian ka inhnem tam zawk mah a. Chung Pathian malsawmna avanga lo changkang ta, kawla ni chhuak chhiara hnuhpui kawih ngai ta lo, tui um nena zing tuktina in khirh chhuah bang ta, buhdengkhawl ri tak ngial pawhina mual a liam san leh tawh zawk avanga sum hmuna buh den hrethiam thaklo mai ka ni tih hi ka in theihnghilh fo thin!!!
Tlangval-ah pawh, a sa tha hran lo, ding ria ve thai mai keini ang tana khua leh tui chhana mi hrang sa hrang beih huphurhawm tur zia te, khualpang zin mai mai pawh INBUAN hreh avanga thulh fo duh rum rum awma mawia derdep kei tehlul hi DUAPZULA bak enge maw ka nih chuan le??!!! Hmanlaia pianglo te zingah chuan ka ti fuh ber hial maithai a ni!! te ka ti rum rum a.
Mahse TUNLAI khawvel-ah pawh bihchian ka dawl chuang em tih chu ngaihtuah tham tak a ni. Nu leh Pate chawmhlawm, thawhchhuah neilo ei thla duak, kum lamah erawh...tihfuh zana nupui ru ve mai rual ni tawh si hi!!!....a zia a awm chuanglo hle mai. Bazar-a gas bur put zah avanga MUTIA zawng zawng thin, mahni hna thawh ber zirlai thiam chuanglo, nileng mai a awm mai mai paha sam zuah bak thawk lem lo, inkhel chhuah hun hre thei zet satliah ka nih rih miau si chuan,...HMAN a ni emaw,...TUN a ni emaw, DUAPZULA, hnam thanmawhbawk ka nih tho tho hi a.
Vai chhang zuar ngam viau satliah hian ka lo HUAISEN reng reng lo a," HMAN leh TUN a in ang lo", tiin ka inhnem ta sa sa bawk a, TUN mila huaisen dan te pawh ka zir zel a lo ngai dawn reng mai!! DUAP leh chguang tur awmlo khawpa DUAPZULA hian, khawi nge tan kan khawh tha dawn teh ang.
Friday, February 19, 2010
HUN
A tlan thuai thuai a, um phak loh a hlau hle a nih hmel a,a thaw hlawp hlawp a,a tlan zel tho a........ Engvanga tlan vak nge a nih kan zawt hram a,chiang mang lo hian,".......k...ka um," a ti a.....,"eng maw?", ka han tih leh pawh chuan a hre hman ta chuang lo a.
Nakinah chuan, ka in ngaihtuah ka in ngaihtuaha, thirsakawr ka la lawk a, ka va um ve ta ringawt a. Rei fe ka tlan hnu chuan a mawng phe hi ka va hmu pha vau vau a. Chawl miah lo in a tlan zel chu a lo ni a.Kan tang zual sauh a...ramhuai speed in ka um leh ta a. A zawn ka va thlen chuan," Engmaw i um?," kan ti leh a. Lo hawi let zauh pahin a ni chuan," Hun ka um," a ti lauh lauh a. A ngaihna ka hre lo ngei mai. Min chhanna chu ka hre sual a nih ringin ka um leh sauh sauh a," Engmaw i tih?'" kan ti leh fan a. Mi pawh en tawh mang lo hian," Hun ka um," a ti tham vung vung a. Dilchhut takin kei chuan," Chu chu eng nge a awmzia?," kan ti leh a. Min chhan tum hian a ang deuh zuau zuau a, mahse tlanpaha in chhan sen chi a ni lo aniang, a ngawi ta daih a." Ding lawk teh," kan ti ta ngawt a, mahse a ding awzawng lo, fiah manglo hian," Ding hman ka ni lo," tiin min rawn chhang leh hram a.
Ka tlan thui ve viau ta bawk a, thlan a sa tawh hle a, thaw a lianin khaw hmuh a phe tak ruai ruai avangin ka din san ta a. Rawmawla in hruk nauh nauh pah chuan chu pa chanchin chu ka ngaihtuah zui neuh neuh a. Hun han um ngawt mai chu umphak a har dawnin a va atthlak em ka ti a, ka tui in hak bawrh bawrh chuan ka nui leh rih a. Ka tui hak a reh meuh chuan, chu pa chu ka han thlir zui leh a, mahse a rim pawh ka hre pha ta lo. Chhun ang zawr mai hian ka thinlungah chuan thu a lo thleng a.....Kha pa pui roh kha HUN chu lo ni ta se...ka va chan chiang em!!! A tak ramah zawk phei chuan HUN hian min lo nghak lo reng reng a, a liam zung zung a, auh din theih lah a ni si lo, auh let tum ngat phei chu changela sawi bel tum ang hlauh!!! A liam zel dawn a, a hmang thiam apiangte tana hlu leh inchhirna tlem mai a lo ni he HUN hi.
Nakinah chuan, ka in ngaihtuah ka in ngaihtuaha, thirsakawr ka la lawk a, ka va um ve ta ringawt a. Rei fe ka tlan hnu chuan a mawng phe hi ka va hmu pha vau vau a. Chawl miah lo in a tlan zel chu a lo ni a.Kan tang zual sauh a...ramhuai speed in ka um leh ta a. A zawn ka va thlen chuan," Engmaw i um?," kan ti leh a. Lo hawi let zauh pahin a ni chuan," Hun ka um," a ti lauh lauh a. A ngaihna ka hre lo ngei mai. Min chhanna chu ka hre sual a nih ringin ka um leh sauh sauh a," Engmaw i tih?'" kan ti leh fan a. Mi pawh en tawh mang lo hian," Hun ka um," a ti tham vung vung a. Dilchhut takin kei chuan," Chu chu eng nge a awmzia?," kan ti leh a. Min chhan tum hian a ang deuh zuau zuau a, mahse tlanpaha in chhan sen chi a ni lo aniang, a ngawi ta daih a." Ding lawk teh," kan ti ta ngawt a, mahse a ding awzawng lo, fiah manglo hian," Ding hman ka ni lo," tiin min rawn chhang leh hram a.
Ka tlan thui ve viau ta bawk a, thlan a sa tawh hle a, thaw a lianin khaw hmuh a phe tak ruai ruai avangin ka din san ta a. Rawmawla in hruk nauh nauh pah chuan chu pa chanchin chu ka ngaihtuah zui neuh neuh a. Hun han um ngawt mai chu umphak a har dawnin a va atthlak em ka ti a, ka tui in hak bawrh bawrh chuan ka nui leh rih a. Ka tui hak a reh meuh chuan, chu pa chu ka han thlir zui leh a, mahse a rim pawh ka hre pha ta lo. Chhun ang zawr mai hian ka thinlungah chuan thu a lo thleng a.....Kha pa pui roh kha HUN chu lo ni ta se...ka va chan chiang em!!! A tak ramah zawk phei chuan HUN hian min lo nghak lo reng reng a, a liam zung zung a, auh din theih lah a ni si lo, auh let tum ngat phei chu changela sawi bel tum ang hlauh!!! A liam zel dawn a, a hmang thiam apiangte tana hlu leh inchhirna tlem mai a lo ni he HUN hi.
Friday, February 5, 2010
REASONS
REASONS
After a day of nothing less than a hectic schedule, hardly anyone could find the cruelness or benefit of the day. But sitting idle with nothing much to worry about other than; when you will wake up creates a lot of thought in the mind!! Just the way some artists have sang or rather chanted it all a long , ’Life goes on’, and I say,’ on and on’. Nothing seems to differ a lot even in a millennium when one refers to human nature. The same old jerk, full of greed, who loves to be praise and throws unnecessary gossips everywhere. There must be something, I thought, reasons,…. Yes, reasons why we are here in this world.
I’m a Christian, I want to answer it from my biblical theology, but I sigh, because I realize that there’s a lot of Atheist in this world. But to answer it from any other point, I scare, because I’m no philosopher. However, being scare does not take away the importance or the irony of the reasons of our presence in this world. World, when I say, a world of diseases (curable and incurable), of death, injustice, inequality, competition, anger, dishonesty, hypocrisy and not to mention, of greed! It’s a place where everyone gets more time to suffer than to enjoy. Looking at life’s main priority closely, I come to this conclusion that whatever we do or work for; simply revolves around our kitchen and toilet! And no matter how rich or poor a person may be, we still die without emptying our vessels; and left it for others.
Life in the phase of happiness forgets everything and anything, though it may be short. Perhaps on the other hand, the longer phase of life which is filled with sorrow and struggle remembers everything possible. But we humans usually give in to the shorter happiness and forget the longer struggles. While striving, we remember and do get a lot of support and help from others, including some ‘luck’, which we hardly consider from whom that we got! And when standing on the platform of our personal high, everything and everyone becomes so small, rather so tiny that we usually forget and hurt the same people who act as a ladder to make it possible for us to reach that place. We humans easily boast and ignore the lower for we have forgotten that we were like them once!
Living a life of such, we simply are creating a world of terror. A treaty of peace for someone is a torture for other! And all of that is the root for hatred and even Mother Earth is suffering. These all came true just because of one thing and that is a lack of LOVE and FORGIVENESS. And I guess that the reason we are here is to LOVE and FORGIVE so that we may be able to live our life peacefully and gave the Mother Earth a chance to survive. Even for the atheist, If there is GOD, ever, certainly He will be full of LOVE and will always be ready to FORGIVE.
Subscribe to:
Posts (Atom)